Donjet Shkodra ishte një nga lojtarët më të përfolur në këtë merkato dimri. Mesfushori i njohur u largua nga Kukësi pasi prishi me konsensus marrëveshjen me drejtuesit verilindorë. Fantazisti tashmë është pa skuadër, ndërsa më parë u tha se mund të kalonte te ekipi i Tiranës.
Newsport.al ka zbuluar prapaskenat me lojtarin nga Kosova që momentalisht po shijon pushimet pranë familjes në Belgjikë. Drejtuesit bardheblu e kanë parë si mundësi për ta pasur në ekip, por karakteri i vështirë i futbollistit ka bërë që të shihet një opsion tjetër.
Gjithashtu problem ka qenë edhe rroga e tij, i cili kërkonte 5 mijë euro në muaj, pra kontratë 1-vjeçare me 50 mijë euro. Këto mësohen të kenë dy nga arsyet që 29-vjeçari nuk u transferua në kryeqytet. /Newsport.al/
Lexo gjithashtu
