Katar 2022
Armand Duka është futur në historinë e futbollit shqiptar, duke arritur të kalojë kufinjtë në institucionet më të rëndësishme europiane sportive.
Në Kongresin e 43-të të UEFA-s, kreu i Federatës Shqiptare të Futbollit mori 36 nga 55 votat e federatave pjesëmarrëse, duke marrë kështu një vend në Komitetin Ekzekutiv të organit më të lartë qeverisës së futbollit Europian.
Një lajm mjaft i mirë ky për Shqipërinë, që për herë të parë përfaqësohet në këto standarte. Por, ne jemi shqiptarë dhe edhe këtë herë kemi nisur hulumtimet se sa paguhet Duka për këtë post të ri. E në kërkimet e bëra, rezultoi se Armand Duka do të përfitojë një pagesë vjetore rreth 160 mijë euro.
Shifër e çmendur kjo për një vend si Shqipëria, por UEFA nuk kursehet në këtë pjesë.
