Në orën 21 zbresin në fushë për përballjen e fundit të fazës së grupeve Franca me Zvicrën. Franca është e kualifikuara e parë e këtij grupi dhe ndeshja e sotme do të tregojë më shumë një futboll të bukur pasi Francës më shumë se rezultati i intereson performanca në fushën e lojës. Edhe Zvicra nga ana tjetër është pothuajse e kualifikuar dhe një barazim do ta kualifikonte atë si e dyta e grupit.
‘’ Kjo është ndeshja e rradhës për ne dhe duhet ta fitojmë që të qëndrojmë në krye të klasifikimit në grup. Ne shkojmë në këtë ndeshje për ta fituar edhe pse Zvicra ka lojtarë shumë të mirë që në aspektin individual mund të bëjnë shumë në fushën e lojës. Ndeshja do të jetë e hapur për të dyja skuadrat dhe ne do të zhvillojmë një futboll të bukur’’, premton gardiani i portës franceze.
Hugo Loris është ndalur edhe te ndeshja që Franca zhvilloi me Shqipërinë duke u shprehur se situata me Zvicrën është krejt ndryshe pasi ata e kanë siguruar kualifikimin.
Lexo gjithashtu
