Terrorizmi del përsëri në plan të parë. Të hënën në mbrëmje janë vrarë dy policë në Manganville, në afërsi të Parisit dhe pak kilometra larg vendit të tragjedisë së nëntorit. Një djalë 25-vjeçar, Aballa Larossi, i dënuar më pare për pjesëmarrjen në një grup ekstremist islamik, ka goditur me thikë dy policët dhe më pas është qëlluar nga forcat e policisë për vdekje. Terroristi ka vepruar rreth orës 20:30, kur shefi i policisë po kthehej në shtëpi dhe, sipas dëshmitarëve, duke bërtitur me të madhe “Allahu është i madh”, e ka qëlluar disa herë me thikë. I menjëhershëm ka qenë reagimi i forcave të policisë, që e kanë rrethuar dhe më pas e kanë qëlluar me armë zjarri, duke shpëtuar një fëmijë 3-vjeçar në gjendje shoku. Sot në mëngjes Isis ka marrë përsipër vrasjen e dyfishtë, duke thënë se shefi i vrarë kishte ngritur më parë shqetësimin për rrezikun e terrorizmit jo vetëm në vende me pjesëmarrje masive njerëzish, por edhe kundrejt individëve të caktuar. Huliganizëm dhe terrorizëm në Francë, një kampionat shumë i frikshëm.
Lexo gjithashtu
