Partizani nuk arriti të merrte më shumë se një barazim pa gola ditën e djeshme kundër Teutës, ndeshje që u luajt në stadiumin "Niko Dovana" të Durrësit.
Të kuqtë e drejtuar nga Sulejman Starova zhvilluan një 90 minutësh të mirë, ku grinta dhe dëshira për të fituar nuk mungoi, megjithatë sfida u mbyll me rezultatin 0-0. Pas ndeshjes, lojtarët e Partizanit shkuan të përshëndetëshin me tifozët, mirëpo këta të fundit ishin të irrituar.
Njëri prej tyre ofendoi Trashin dhe Bathën, por nervat "tradhëtuan" dy futbollistët e kuq të cilët ia kthyen në të njëjtën mënyrë. Të gjithë mbështetësit Partizanit janë shprehur të mërzitur pas këtij barazimi, pasi sot Kukësi luan me Tiranën dhe një fitore e verilindorëve do të thotë 6 pikë shkëputje me skuadrën e Starovës.
Lexo gjithashtu
