Lazio nuk po kalon aspak një moment të mirë, teksa humbja me Udinesen në kampionat duket se ka mbushur kupën. Skuadra e drejtuar nga Mauricio Sarri u mposht për herë të 4-të rresht, gjë e cila ka nervozuar presidentin Claudio Lotito.
Ky i fundit sipas mediave italiane ka urdhëruar grumbullimin e skuadrës, ndërsa Sarri ka kërkuar nga futbollistët të thonë se kush është problemi në këtë situatë. Në mungesë të një përgjigje nga skuadra, mësohet se trajneri ka paraqitur dorëheqjen.
Tashmë pas kësaj pritet një tjetër takim “kokë mëkokë” mes Lotitos dhe Sarrit për të vendosur të ardhmen e trajnerit. Orë vendimtare këto, që pritet të vendoset se çfarë do të ndodhë me skuadrën italiane dhe kush do t’i drejtojë ata deri në fund të sezonit. Mbetet për t'u parë nëse dorëheqja do të pranohet apo refuzohet nga presidenti i italianëve.
Lexo gjithashtu
