Jo vetëm merkato cilësore, por edhe organizim i jashtëzakonshëm. Klubi i Dinamos po befason në këtë periudhë pas rikthimit në Superiore. Drejtuesit kryeqytetas po punojnë me kujdes dhe imtësi në çdo detaj ashtu siç i ka hije një klubi të elitës. Së fundmi, “Nëndetësja Blu” ka planifikuar dhe një fazë përgatitore të mirëfilltë.
Nuk do të largohet jashtë kufijve, por stafi teknik ka kërkuar zhvendosjen në Pogradec për gjatë gjithë muajit gusht. Jo vetëm stërvitje, por dhe mundësi për ndeshje miqësore në mënyrë që Bledi Shkëmbi të shohë gjendjen e futbollistëve të afruar. Gjatë kësaj periudhe priten edhe goditje të tjera për të plotësuar grupin e sezonit të ri futbollistik.
Loading ...
