Napoli është skuadra e momentit në futbollin italian por edhe në botë po merr një vëmendje të madhe pas performancave fantastike deri tani. Me vetëm një humbje deri tani, në Champions ndaj Liverpool kur llogaritë ishin të mbyllura, napoletanët kanë krijuar një skuadër për t’u mundur. Drejtuesit nuk duan të ndalen këtu dhe po mendojnë për përforcimin e ekipit me elementë të rinj premtues.
Sipas italianes TuttoMercatoWeb, Napoli ka nisur kontaktet e para për të fituar shërbimet e Ardon Jasharit, i cili aktivizohet në radhët e Luzernës në Zvicër. Jashari gjithashtu është bërë pjesë e kombëtares së Zvicrës në Botëror dhe napoletanët duan të nxirojnë para se t’i rritet më shumë vlera teksa në ndjekje janë edhe gjermanët e Wolfsburg.
Ardon Jashari, aktualisht në Superligën e Zvicrës me fanellën e Luzernës është aktivizuar në 15 ndeshje ku ende nuk ka gjetur rrugën e rrjetës, por duke dhuruar 4 asiste për shokët e skuadrës.
Lexo gjithashtu
