Sulmuesi Xhevair Sukaj do të largohet nga Partizani. Pas një diskutimi me drejtuesit e klubit, Sukaj ka vendosur që ai të largohet nga të kuqtë, pasi nuk është më pjesë e rëndësishme e projektit të kryeqytetasve.
Sukaj nuk ka gjetur hapsira te Partizani, kjo për shkak edhe të dëmtimit të tij dhe mesa duket, ky ka qenë shkaku i largimit të shkodranit. Mësohet se ai ka prishur marrëveshjen me klubin dhe tashmë do të kërkojë për një ekip të ri.
Një pistë e re është ajo që Sukaj të shkojë te Teuta, duke iu bashkuar ekipit të Gugasha Maganit. Durrsakët kanë vuajtur shumë këtë sezon në repartin e sulmit, kjo ka bërë që "grepat" të hidhen drejt ish-lojtarit të kuq.
Teuta nuk është ekipi i vetëm që është hedhur në sulm për shërbimet e lojtarit, pasi për të në lëvizje është vënë dhe Vllaznia. Pritet që ditët në vijim të zbulohet e ardhmja e sulmuesit për pjesën e mbetur të kampionatit.
Lexo gjithashtu
