Mundësitë ndonjëherë nuk duhet lënë të shkojnë. Kjo I ka ndodhur edhe qëndërmbrojtësit të Liverpool, Nathaniel Phillips. Djaloshi prej 2016 është pjesë e Liverpool, teksa ka kaluar huazime dhe një histori të pabesueshme. Titullar në fitoret e fundit të kampionëve të Anglisë, Nath është duke kapur mundësinë e tij pas dëmtimit të van Dijk.
I befasuar nga paraqitjet e 23 vjeçarit, Klopp është shprehur se ka gjetur një qëndërmbrojtës të ri dhe modern, duke u befasuar nga aftësitë e Phillips. Kjo ka kthyer buzëqeshjen te trajneri gjerman, që sheh një histori të pabesueshme. Teksa ishte pjesë e moshave të Bolton, Phillips mendoi të braktiste futbollin për një diplomë amerikane në ekonomi. Aftësitë e tij u pikasën nga trajneri Andy Hughes, që e rekomandoi te skautët e Redsave.
Paraqitjet e tij në fushë donin kohë të dukeshin, me Liverpool që e huazoi në vitin 2019 te Stuttgart në Bundesligën e dytë gjermane. Vetëm në verën e këtij viti, Klopp vendosi ta grumbullojë me ekipin e parë për sezonin e ri, teksa lojtari I ka habitur të gjithë duke marrë komplimente edhe nga legjenda e mbrojtjes, Carragher. Duket se Phillips ka kthyer buzëqeshjen te Klopp, që e sheh titullar mbrojtësin e ri.
Lexo gjithashtu
