Kalendari i javës së 25-të në Superligë ka sjellë një përplasje mes Tiranës dhe Partizanit pasi të dy ekipet kanë ndeshje për të luajtur si pritëse.
Më herët newsport.al, kur u vendos që Partizani të luante në "Selman Stërmasi", i ka kushtuar jo pak rëndësi çështjes së stadiumit.
U vendos që ndeshjet të luhen një ditë nga njëra tjetra dhe besohej se fusha pas 24 orësh do ishte gati, por tashmë me oraret e caktuara nga FSHF duket se kjo nuk do të ndodhë.
Kështu, të kuqtë e Partizanit mund t'i drejtohen sërish stadiumit "Elbasan Arena". Pas dënimit të tifozëve, ky mund të jetë një lajm jo i mirë dhe klubi i kuq duhet të udhëtojë sërish jashtë Tiranës për të luajtur takimet si pritëse.
Gjithçka mbetet për t'u zyrtarizuar nga FSHF në orët e ardhshme.
Lexo gjithashtu
