Një episod i pakëndshëm ka ndodhur dje para sfidës mes Partizanit dhe Tiranës, e mbyllur 1-0 në Elbasan Arena. Tifozët janë përleshur mes tyre, duke e bërë të detyrueshme ndërhyrjen e policisë. Në të tilla kushte, janë vënë në pranga 2 persona, teksa 14 janë nën hetim. Sa i përket të arrestuarve, bëhet fjalë për Stiven Vojka dhe Kevi Beqiraj. Si pasojë e përplasjeve të dhunshme, mbetën të lënduar tre tifozë të tjerë.
Vlen të theksojmë se ka patur edhe thyerje xhamash të lokaleve. Kjo është ana më e keqe e derbit, teksa mungesa e lojtarit të 12-të në stadium ka ndikimin e vet.
Njoftimi i policisë:
Elbasan
U konfliktuan fizikisht me njëri-tjetrin, duke përdorur sende të forta, para ndeshjes së futbollit Tirana-Partizani, arrestohen në flagrancë 2 shtetas, procedohen penalisht 14 të tjerë.
Specialistët për Hetimin e Krimit në Komisariatin e Policisë Elbasan arrestuan në flagrancë shtetasit S. V., 28 vjeç dhe K. B., 19 vjeç, banues në Tiranë, si dhe kanë proceduar penalisht në gjendje të lirë 14 shtetas të tjerë.
Arrestimi dhe procedimi i këtyre shtetasve u bë pasi në lagjen "Luigj Gurakuqi", bulevardi "Aqif Pasha", Elbasan, këta shtetas, si tifozë të ekipeve të futbollit Tirana dhe Partizani janë konfliktuar fizikisht me njëri-tjetrin, duke përdorur sende të forta, dhe për pasojë janë dëmtuar 3 shtetas, të cilët ndodhen jashtë rrezikut për jetën.
Gjithashtu është dëmtuar me sende të forta (gurë) një lokal në pronësi të shtetasit A. M.,
Materialet hetimore i kaluan Prokurorisë pranë Gjykatës së Shkallës së Parë për veprime të mëtejshme procedurale
Lexo gjithashtu
