Pas spekulimeve se sulmuesi i Kukësit Reginaldo mund të largohej në merkaton e janarit, vetë klubi verilindor ka përjashtuar çdo version të transferimit të mozambikasit.
Në një komunikatë zyrtare në faqen e tij në Facebook, Kukësi saktëson se Reginaldo është pjesë e rëndësishme e projektit të nënkampionëve të Shqipërisë dhe konfirmon se kontrata e tij skadon në fund të sezonit 2018/2019.
"Sqarim!
Duke marë shkas nga spekulimet e bëra në media për futbollistin Reginaldo Fait, dëshirojmë të informojmë të gjithë tifozët, por edhe sportdashësit në tërësi, se mozambikasi është pjesë e padiskutushme e skuadrës sonë.
Sulmuesi është nën kontratë me Futboll Klub Kukësin deri në fund të sezonit futbollistik.
Drejtuesit e Klubit e shohin 28-vjeçarin të denjë për projektin e ekipit tonë, i cili synon fitimin e titullit Kampion, Kupën e Shqipërisë, Superkupën si dhe përfaqësim sa më dinjitoz në Kupat e Europës.
Faleminderit!"
Postimi i fundit i Kukësit
Lexo gjithashtu
