Trajneri Sylvinho dhe sulmuesi Sokol Cikalleshi janë prezent në konferencën e fundit përpara ndeshjes së parë kualifikuese me Poloninë, nesër në orën 20:45 në Varshavë.
Dita e shtatë e përgatitjeve, jeni gati për këtë përballje?
Jemi gati, pas dy muaj e gjysmë punë intensive tani kam arritur të kuptoj më mirë lojtarët, kemi vëzhguar 70 lojtarë dhe 240 ndeshje dhe vëndosëm të zgjedhim 23 lojtarët për këtë sfidë. Polonia është skuadër e fortë por unë jam i kënaqur nga puna, grupi dhe atmosfera që kemi krijuar deri tani.
A keni një formacion në mendje, po Cikalleshi a do të jetë ai kapiten?
E kam në kokë se si do të luajmë, jemi gati, të 23 lojtarët. Do të luajmë në grup. Cikalleshi është i rëndësishëm por është një nga 23 lojtarët. Formacioni është gati por do ta shikoni nesër. Per mua është e rëndësishme të kemi filozofinë e duhur, të hyjmë në fushë me besim dhe të bëjmë mirë.
Trajneri i Polonisë tha se ka parë ndeshje të Shqipërisë por edhe ndeshje tuajat me ekipe të mëparshme, keni një surprizë për të?
Duhet të ecim përpara pasi surprizat i bëjnë lojtarët, ne trajnerët bëjmë punën tonë. Santos është trjaner shumë i fortë me eksperiencë, na ka vëzhguar por atë e kemi bërë edhe ne. Punojmë 24 orë për të përgatitur një ndeshje. Nesër do të kemi në fushë lojtarët më të mirë dhe do të bëjmë një ndeshje të bukur.
Kujt i druheni më shumë, Poloninë apo mos pasjen e mundësisë të shihni Shqipërinë në një ndeshje të vërtetë?
Atmosfera është shumë e mirë dhe ka shumë vlerë, jam i kënaqur. Nuk kam frikë, futboll iështë sport i bukur, kemi përballë një kundërshtar të fortë por nuk e vlerësoj për 90 minuta të vetme. Polonia është skuadër e fortë dhe favorite kryesore në grup. Nuk mund të nxjerr konkluzione nga humbja me Çekinë. I kemi shanset tona të arrijmë kualifikimin, duhet të marrim pikë, 1 pikë, gjysëm pike, çdo pikë është e rëndësishme.
Mungesat në mbrojtje janë shumë të rëndësishme, keni një strategji për të ndalur sulmuesin më të rrezikshëm në botë?
Ne do të mbrohemi si skuadër dhe do të besojmë te kjo filozofi. Kemi mugnesa por kemi edhe 23 lojtarë. Mendojmë për mbrojtjen ashtu si mendojmë për portën apo pjesën ofensive. Jemi 11 lojtar në fushën e lojës dhe do të punojmë në grup. Polonia ka Lewandowskin që është në nivelin e Messi, Benzema e Mbappe, lojtarë që siguron 30-40 gola por nëse luajmë në grup nuk kemi pse shqetësohemi.
Objektivi është kualifikimi por është shumë e vështirë, për të gjithë. Rruga është e gjatë, lojtarët e kanë të qartë që duhet të luftojnë për cdo pikë, përfaqësojnë kombin shqiptar. Ne do të bëjmë rrugën tonë, në kualifikueset e fundit për pak pikë nuk u kualifikua.
Sa i përket debutimit ndaj Polonisë pas humbjes me Çekinë?
20 minutat e para do të jenë të rëndësishme por futbolli luhet 90 minuta, për mu aka rëndësi edhe 2 minuta. Duhet të hyjmë në fushë me grintën e duhur. Të jemi të përqëndruar në cdo sekondë, këtë ia kam kërkuar lojtarëve, të jenë të fokus nga minuta e parë deri në fund. Ndeshaj është e nivelit të lartë, përballë një skuadre të fortë, e respektojmë por ne do të bëjmë ndeshjen tonë dhe do të shkojmë për të bërë maksimumin.
Keni punuar me futbollistët, i keni folur për aspektin psikologjik, po ju çfarë keni marrë nga futbollistët?
Duhet ta shprehim këtë në fushën e lojës. Unë kam lindur në futboll, kam një jetë që merrem me të. Pas kaq vitesh e kuptoj qartë se çfarë është bërë ndryshe kur fiton një ndeshje dhe kur humbet, e kuptij pse erdhi. Duhet të punojmë shumë me të gjithë, kam punuar me të gjithë, vazhdimisht, ata e kuptojnë shumë mirë pjesën e punës por edhe faktin kur ti i flet me sinqeritet. Shpirti garës është ajo që na duhet, e shikoj në stërvitje, lojtarët shfrytëzojnë cdo sekond për t’u stërvitur.
Kush prej lojtarëve ka shqetësime fizike dhe a është gati të luajë Uzuni nesër?
Të gjithë jemi gati, jam i kënaqur me ta. Folëm për lojtarët e Plonisë por nuk mund të dilja pa folur për lojtarët e mi. Kemi Mehmetin, Bajramin, Uzunin, Asanin që ju hanë këmbët për të luajtur. Seferi e Cikalleshi janë shumë të fortë, edhe Abrashi që kishte një shqetësim shëndetësor do të jetë gati.
