Ndeshja Tirana – Egnatia (2-1) vijon të jetë objekt diskutimi në çdo panel sportiv. Minuta e 87-të e takimit, ku Raphael Dëamena rrëzohet në zonën e Tiranës, është analizuar nga të gjithë specialistët e moviolës.
Mbrëmë, ishte radha e Lorenc Jeminit për të bërë shpjegimin teknik sepse gjyqtari Olsid Ferataj bashkë me atë të VAR-it, Emanuela Rustën kanë gabuar duke mos akorduar 11-metërsh. Në panelin e emisionit “Procesi Sportiv”, ish gjyqtar i FIFA-s tha:
“Është një rast te Tirana që nuk është dhënë penallti. Por, mendoj se ka gabuar arbitri këtu. Mendoj që është penallti kjo sepse shiko se çfarë ndodh. Lojtari, portieri del, nuk prek... Këtë do të shpjegoj unë. Ai merr lojtarin e vet dhe lojtarin e Egnatias përpara. Topi është në fushë. E kam shpjeguar gjithmonë këtë.
Për sa kohë topi është brenda fushës, ka edhe masë teknike, por edhe disiplinore. Topi është brenda. Ta shpjegoj se i gjithë problemi me njerëzit është ky: Ai arrin topin. Ti nuk je aty për të llogaritur shpejtësinë e sulmuesit a e arrin apo jo topin. Për sa kohë topi është brenda vizave të fushës, është faull.
Është njësoj si penalltia e Partizanit. Topi iku dhe ai shkon e kap lojtarin kundërshtar. E njëjta gjë. Fotokopje e penalltisë së Partizanit me portierin. Këtu duhej të kishte ndërhyrë VAR-i sepse arbitri është ngatërruar te kjo pjesë. Jam i bindur që ai ka marrë lojtarin e vet përpara dhe ka thënë, Ok, s’ka më faull. Por, nuk ka lidhje. Se këtu është efekti domino. Ai që rrëzon dominonë e parë, ai është fajtori. Pastaj të tjerat do të bien se s’ka ku shkon. Këtu kemi një penallti të munguar për Egnatian. Por, duhej të ishte futur VAR-i patjetër".
Lexo gjithashtu
