Patrik Bardhi është një nga lojtarët që po shkëlqen më shumë te Kastrioti. I rritur te akademia e Tiranës, por që aty nuk i besuan asnjëherë kjo për shkak se e kanë më mirë të shpenzojnë qindra e mijëra euro për lojtarë të huaj sesa për talente vendas që e ndjejnë edhe më shumë peshen e fanelës. Në janar bashkohet me Kastriotin për t'i dhënë një dorë për mbijetesën dhe deri më tani me paraqitjet e tij ia ka arritur qëllimin. Krutanët janë vetëm dy pikë larg Tiranës dhe shpresojmë deri në fund për të arritur mbijetesë. Por, jo vetëm kaq pasi me paraqitjet e tij arriti të fitonte edhe një vend në Kombëtaren U-21 të Alban Bushit dhe ndoshta te Tirana mund të jenë penduar që kanë të lirë një talent me të ardhme. Në një intervistë për Neësport.al, Bardhi tregon emocionet e ftesës në kombëtare, ecurinë e Kastriotit dhe mbijetesën.
Patrik si e vlerësoni ecuinë e Kastriotit deri më tani?
Një ecuri fantastike përsa i përketë vitit 2019. Një ecuri e cila ka rritur vlerat e gjithë secilit prej nesh dhe kemi bërë që i gjithë opinionin të kthej kokën nga Kastrioti dhe mos ta konsiderojnë me si nje skuader te vogel apo nje skuader problematike por nje ekip me cuna te rinj. Kemi dhënë maksimumin për një të ardhme më të mirë personale por, gjithashtu edhe të ekipit.
A besoni te mbijetesa?
Sigurisht që besojmë nëse nuk do besonim nuk do ishim ktu ku jemi sot. Shpresojmë që këtë javë te kryhet edhe ajo"rrokada" në klasifikim. Në fillim do të shohim ndeshjen tone pastaj mbasi të kemi marrë rezultatin qe na nevojitet do i hedhim një sy ndeshjeve te tjera.
Do t'u vinte keq nëse do të binte Tirana nga Kategoria duke parë që jeni rritur te akademia bardheblu apo do të ishte një ''hakmarrje që nuk besuan te ju?
Sigurisht që do të më vinte keq por, janë gjëra që mund te ndodhin. Do të më vinte më shumë keq për skuadrën ku po aktivizohem dhe prandaj nuk e kam aspak mendjen tek Tirana. Hakmarrje nuk do ishte por, që gjithsesi besoj se do e kenë kuptuar gabimin.
E prisnit një thirrje nga Kombëtarja U-21?
Po. Besoj se kam bërë mirë në dy fazat e fundit edhe pse ka munguar goli kam qenë protagonist ne mënyra të tjera, në krijime rastesh të rrezikshme, nisje aksionesh ose në pasimin e fundit.
E ardhmja juaj do të jetë te Kastrioti apo do të varet nga qendrimi në Superligë?
Nuk di asgjë rreth kësaj teme, drejtuesit e mi të klubit e dië më mirë se unë. Si fillim të përfundojmë sezonin këtu edhe me pas te shohim cdo behet. Shpresoj të bëhet më e mira për të dyja palët.
Do të preferonit një largim jashtë vendit apo sërish në Superligë?
Një largim jashtë Shqipërisë do të ishte një eksperiencë e re e cila do të më mësonte shumë por, edhe një vit tjetër në Superligë nuk besoj se do të ishte keq. / Renaldo Gremi/
Lexo gjithashtu
