Hapësire reklamuese

Çështjet kryesore

ARKIVA

Pas triumfit ndaj Erzenit, Ledio Beqja i dërgon "mesazh" Tiranës: Nuk luajmë për asnjë rezultat tjetër veç fitores

Shkruar nga NEWSPORT
Pas triumfit ndaj Erzenit, Ledio Beqja i dërgon "mesazh"

Teuta fitoi bindshëm përballë Erzenit në ndeshjen e vlefshme për javën e 26-të të “Abissnet Superiore”. Skuadra e drejtuar nga Edi Martini mposhti 3-0 shijakasit në derbi me golat e Llocit, Dacit dhe Beqjas, duke marrë kështu 3 pikë jetike.

Në një prononcim të dhënë për “Newsport.al”, është pikërisht Ledio Beqja që shprehet shumë i lumtur për golin e shënuar. Mesfushori i cili mbajti shiritin e kapitenit ndaj Erzenit, gjithashtu “kërcënon” edhe Tiranën për ndeshjen e kthimit në Kupë dhe thotë se ndaj bardhebluve nuk luajnë për asnjë rezultat tjetër veç fitores.

“Për golin ndihem shumë i lumtur pasi për mua është goli i parë për këtë vit, pasi nuk kam patur shumë fat ku më kanë ndalur shtyllat dhe traversat. Normalisht që ai gol ndikon shumë mirë te unë për vazhdimësinë e ndeshjeve. Ndaj Erzenit shkuan shumë gjëra mirë, pasi po ushtronim shumë presing të lartë dhe vendosëm në vështirësi kundërshtarin. Ky besoj se ishte çelësi i suksesit në atë triumf. Tashmë le të shohim përpara, mendojmë vetëm ndeshjen e radhës dhe asgjë tjetër. Sfida me Tiranën në Kupë? Ne do të shkojmë dhe të futemi në fushë vetëm për fitore. Nuk luajmë për asnjë rezultat tjetër”, është shprehur mesfushori i Teutës, Ledio Beqja.

Kujtojmë që ndeshja e parë çerekfinale në Kupë mes Teutës dhe Tiranës përfundoi në barazim 0-0. Ndërsa gjysmëfinalisti do të vendoset në sfidën e kësaj të mërkure që do të startojë në orën 13:30. /Nikoll Rajta/

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga