Tirana do të nis sot përgatitjet për javën e 24 të Kategorisë Superiore. Bardheblutë e drejtuar nga Emmanuel Egbo kanë një fazë të plotë që nuk njohin humbje, duke vendosur një rekord të ri në Shqipëri. Fitorja e fundit dhe "rrëmbimi" i vendit të parë ndaj Kukësit, kanë sjellë një entuziasëm të përlighur te 24 herë kampionët, që të premte në orën 19:00 do të presin Partizanin, në ndeshjen kornizë të futbollit shqiptar.
Bardheblutë kërkojnë me ngulm suksesin e radhës në kampionat, ku përballë "Demave" të "plagosur" ndaj Bylis, duhet rezultati pozitiv. 13 dhjetori i vitit të shkuar ishte përballja e fundit në "Air Albania" mes dy skuadrave, me Tiranën që nisi të vendoste rekorde prej asaj dite. Nga vendi i shtatë në të parin, plot një fazë pa humbje. Të besuarit e Egbo do të nisin sot javën anti-Partizan, me grupin që do të jetë i plotë dhe pa dëmtime apo skualifikime.
Lexo gjithashtu
