Partizani nuk ndalet në merkato, të kuqtë zyrtarizojnë futbollistin e Kombëtares

Kristi Marku është zyrtarisht lojtar i Partizanit. Mbrojtësi i Kombëtares U-21, është bërë pjesë e të kuqve dhe do të japë kontributin e tij me fanellën e kuqe. Përmes një njoftimi në faqen zyrtare, klubi i Partizanit njofton për arritjen e një marrëveshje:

“Kristi Marku do të jetë pjesë e skuadrës për sezonin në vijim. Mbrojtësi 21 vjeçar i cili iu bashkua Partizanit përgjatë minifazës përgatitore zhvilluar në Antalia ka arritur marrëveshjen me 15-të herë Kampionët e Vendit me kontratën e firmosur deri në fund të kampionatit me opsion rinovimi edhe për sezonin e ardhshëm. Marku ishte pjesë e Flamurtarit përgjatë dy fazave të para të kampionatit dhe njëkohësisht kontigjent i ekipit përfaqësues U 21”.

Kristi Marku iu bashkua Partizanit në këtë merkato dimri. Ai ka zhvilluar seancat stërvitore nën urdhrat e trajnerit Starova, por deri më tani nuk ishte zyrtarizuar nga klubi i kuq. Sot, 21-vjeçari është bërë zyrtarisht pjesë e 15 herë kampionëve të Shqipërisë.