Partizani është skuadra më në formë e futbollit shqiptar. Të kuqtë po shkëlqejnë në javët e fundit që korespondon me largimin e Zekic dhe zbritjen në stol të Arbër Abilaliajt. Drejtori veshi kostumin e trajnerit për herë të parë në derbi dhe e nisi në mënyrën më të mirë me një fitore spektakolare në minutën e fundit.
Të njëjtën bëri edhe në 4 ndeshje pasardhëse duke e rikthyer skuadrën në krye sëbashku me Egnatian, por me një ndeshje të prapambetur të cilën nëse e fitojnë ndaj Teutës do të marrin kreun të vetëm.
5 fitore rradhazi është një arritje jo pak e vogël në futbollin shqiptar. Saktësisht te Partizani, ky rekord pozitiv mungonte prej plot 5 vitesh. Edhe në atë rast ishte viti i titullit me skuadrën e Gegës që nuk kishte rival.
Sfida e rradhës për Partizanin është të hënën ndaj Vllaznisë në ‘Arenën e Demave’ dhe mbetet të shihet nëse ky rekord do të thellohet apo do të ndërpritet.
Lexo gjithashtu
