Partizani ka fituar mbrëmjen e sotme me rezultatin minimal 1-0 ndaj Kastriotit. Të kuqtë kanë mundur të marrin tre pikë të tjera në javën e tretë të kampionatit në Superligë. Pas sfidës, për emisionin "Gol pas Goli" në Supersport ka folur trajneri i "Demave", Skënder Gega.
Ky i fundit u shpreh se kishte mbetur i kënaqur me lojën dhe rezultatin edhe pse skuadra e tij mund të bënte diçka më shumë.
"E filluam mirë pjesën e parë. Kemi probleme në finalizim. Mund ta kishim mbyllur lojën që në 45 minutat e para. Në pjesën e dytë pashë lodhje te lojtarët dhe lanë hapsira dhe toleruan ndeshjen. Malaj? Ai është i mirë si në krahun e djathtë ashtu dhe në të majtë. Është një lojtar me vlera, u desh të kombinohej me Trashin. Edhe pse luajti pak në pjesën e dytë, ai ndihmoi ekipin. Reparti i sulmit duhet të përparojë më shumë. Merkatoja? Kodra më pëlqen edhe pse është 19-vjeç. Ai mund të bëhet lojtar kryesor e parë për ekipin. Dëshirat e mia kanë qenë të tjerë lojtarë me shumë kualitet, por nuk u arrit. Mbase mundësitë e klubit ishin të pakta apo kërkesat e lojtarëve që doja ishin të larta. Të gjithë kanë mundësinë të mësojnë edhe unë mund të mësoj shumë këtu".
Lexo gjithashtu
