Partizani do të luajë të dielën kundër Bylisit, në kuadër të javës së 27-të të Superiores. Të kuqtë kanë zbritur sot në fushë duke u vënë nën urdhrat e trajnerit Ilir Daja.
Atmosfera në skuadër është përgjithësisht e mirë, teksa për takimin e radhës trajneri kryeqytetas ka në dispozicion të gjithë futbollistët. Përmes një postimi në kanalin zyrtar të klubit të Partizanit shkruhej:
"Skuadra ka vijuar me përgatitjet në kuadër të takimit ndaj Bylis i vlefshëm për javën e 27-të të Kategorisë Superiore. Në kompleksin sportiv "Football Republic" grupi i lojtarëve ka zhvilluar seancën e programuar stërvitore në orën 11:30. Traineri Ilir Daja ka patur në dispozicion të gjithë lojtarët duke punuar me kontigjentin e plotë. Gjendja fizike e skuadrës paraqitet optimale dhe për përballjen ndaj Bylis nuk ka asnjë lojtar të skualifikuar. Përgatitjet do të vijojnë të mërkurën me seancën e radhës në program në orën 11:30".
Lexo gjithashtu
