Lazio nuk ka shkuar më shumë se një barazim 2-2 kundër Leçes, ndeshje e vlefshme për javën e 35-të te Seria A. Një sfidë e luftuar, por në fund nuk ka arritur të nxjerrë asnjërën nga skuadrat fituese. Vendasit ishin në një ditë mjaft të keqe, teksa e panë veten edhe në disavantazh.
Ciro Immobile shënoi i pari në minutën e 34-të të takimit. Por, më pas miqtë barazuan me Oudin, i cili me fillimin e pjesës së dytë përmbysi rezultatin. Megjithatë për të mbajtur "nderin në vend" mendoi Milinkovic-Savic që barazoi duke i dhënë një pikë ekipit të tij.
Pas kësaj ndeshje, Lazio shkon në kuotën e 65 pikëve në vendin e tretë, 2 më pak se Inter dhe 4 më pak se Milani që kanë një ndeshje më pak për të luajtur. Nga ana tjetër, Leçe ndodhet në vendin e 16-të me 32 pikë. Duhet përmendur dhe fakti se Elseid Hysaj ishte në një natë tërësisht për t'u harruar me fanelën e Lazios.
Lexo gjithashtu
