Shpresat U-21 do të luajnë dy ndeshjet e radhës ndaj Andorrës dhe Austrisë të vlefshme për EURO 2021. Trajneri Alban Bushi pak ditë më parë bërë publike listën me lojtarë grumbulluar, por tekniku kuqezi është detyruar të bëjë disa ndryshime për shkak dëmtimesh dhe nga pandemia e Covid-19. Në faqen zyrtare FSHF-ja ka bërë me dije se Jon Mersinaj, Enis Çokaj dhe Albion Ademi nuk do të grumbullohen pasi nuk lejohen nga klubet e tyre, ndërsa mesfushori Julian Shehu është I dëmtuar. Përveç Serxho Ujkës, Andi Hadroit dhe Albion Markut, trajneri Bushi ka marrë një futbollistë nga Empoli, Kristjan Asllanin.
Trajneri i Kombëtares U-21, Alban Bushi ka bërë disa ndryshime të fundit në listën e lojtarëve të përzgjedhur për dy ndeshjet eliminatore të EURO 2021 ndaj Austrisë dhe Andorrës. Si fillim tekniku kishte përzgjedhur 22 futbollistë për këto dy sfida, por është detyruar të ndryshojë planet për shkak të problemeve që ka shkaktuar pandemia COVID-19 në grumbullimin e lojtarëve.
Kështu bëhet me dije se mbrojtësi Jon Mersinaj nuk mund të grumbullohet, sepse nuk lejohet nga klubi të lëvizë jashtë Kroacisë për shkak se sapo ka përfunduar karantinën dhe është jashtë formës fizike. E njëjta situatë edhe për shokun e tij te NK Lomomotiva e Zagrebit, Enis Çokaj, i cili gjithashtu do të mungojë se bashku edhe me Albion Ademin, i cili nuk lejohet të lëvizë jashtë Finlandës. Sa i përket mungesave është shtuar edhe emri i mesfushori i KF Laçit, Julian Shehu, i dëmtuar.
Për të zëvendësuar këto mungesa tekniku Bushi ka ftuar Kristjan Asllanin (Empoli), Albion Markun (KF Laçi), Serxhio Ujka dhe Andi Handroj (KF Bylis).
Ndeshja e parë e kombëtares tonë U-21 do të jetë kundër Austrisë në datën 4 shtator në transfertë dhe më pas rikthehet të luajë në datën 8 shtator në stadiumin "Elbasan Arena" ndaj Andorrës.
Lexo gjithashtu
