Tirana nuk gjen qetësi këtë sezon teksa mungesat e kanë shoqëruar thuajse çdo javë që në fillimet e sezonit. Një ekip kampion i ndërtuar pa alternativa në lartësinë e duhur, ka bërë që puna e trajnerit Shehi deri tani të duket si një mrekulli.
Në javët e fundit kemi parë një Tiranë që deri në minutën e 70’ luan futboll dhe më pas, i bien fuqitë, kjo sepse titullarët janë të njëjtët prej muajsh. Mungesa e alternativave bën që Shehi të “shtrydhë” 11-12 lojtarët që ai i sheh si të duhurit.
Në çdo intervistë të tij, tekniku durrsak përmend gjithmonë mungesat. Edhe në konferencën e fundit përpara Teutës bën të njëjtën gjë: “Nuk kemi Nikqin dhe nuk dimë gjendjen e Abazajt sepse po sakrifikon. Nikqi me shumë mundësi do të mungojë 2-3 javë ndërsa pjesa tjetër është e gatshme”, u shpreh Shehi.
Përpara aventurës europiane në verë, Shehi shprehu pakënaqësi për revolucionet e vazhdueshme të ekipit dhe mungesat në stol. Sa herë pyetet për rinovimin, gjithmonë preferon ta “shtyjë” bisedën pas përfundimit të kampionatit. Ndoshta kushti i vetëm i tij është që kur të vijë në punë pas pushimeve verore, të mos gjëjë në stërvitje një ekip “tjetër”... sërish.
Lexo gjithashtu
