Tirana nesër pasdite do të luajë miqësoren e parë për fazën përgatitore të verës përpara nisjes së sezonit 2016-2017, ndërsa kundërshtari është Apolonia e Fierit. Bardheblutë do të presin bardhejeshilët në miqësoren që do të luhet nesër në orën 17:30 në “Selman Stërmasi”.
Përpos kësaj miqësoreje, e cila do të jetë e para me një skuadër shqiptare për Tiranën për këtë sezon përgatitjesh, mësohet se është planifikuar dhe testi i dytë. Korabi do të jetë kundërshtari i 24-herë kampionëve të vendit fundjavën e ardhshme. Ndeshja do të luhet në “Skënder Halili” në orën 17:30. Është përcaktuar kjo fushë, sepse më 24 gusht do të luhet finalja e Superkupës në “Selman Stërmasi”.
Përballja me dibranët do të jetë e kalibrit superior, sepse skuadra kundërshtare do të militojë këtë vit në elitën e futbollit shqiptar. Ndërsa ndeshja zyrtare mes skuadrave do të zhvillohet për kampionat në datën 12 tetor të këtij viti, e cila përkon me javën e gjashtë të kampionatit.
Lexo gjithashtu
