Ka përfunduar me rezultatin 0-0 takimi Laçi-Kukësi. Një barazim që i jep Laçit një pikë të vyer për mbijetesën. Laçi renditet në vendin e 9 me 21 pikë. Pas këtij barazimi, Bledar Sinella, ka folur për mikrofonin e Supersport:
"Kemi humbur dy pikë sipas meje. E kishim përgatitur mjaft mirë këtë takim. Kemi dominuar lojën në ëdo drejtim. Loja foli vetëm për ne dhe më ka kënaqur loja dhe shpirti i skuadrës por rastet e humbura dhembin dhe janë pikë të humbura për ne. Na mjafton vetëm një gol dhe të marrim 3 pikët. Për mua nuk ka rëndësi sepse 1-0 apo 3-0, në fund vetëm tre pikë merr.
Ne do mundohemi të kryejmë finalizimin. Nëse ne vazhdojmë me këtë shpirt gare, jam i bindur që do prodhojmë rezultat. Na mungon një sulmues që të shënojë. Ne nuk na mungojnë rastet por na mungon sulmuesi dhe shpresojmë që do e përmirsojmë këtë gjë.
Pavarsisht alternativave të pakta dhe disa dëmtimeve, nëse do hyje në fushë dhe nuk do dije klasifikimin nuk do e kuptoje kush ishte skuadra më e fortë", ka përfunduar Sinella.
Lexo gjithashtu
