Stiven Shpendi u largua nga Cesena ditët e fundit dhe u bashkua me skuadrën e Empolit në elitën e futbollit italian. Një hap ‘galopant’ për karrierën e sulmuesit të talentuar shqiptar.
20-vjeçari ndërkohë ka folur ditën e sotme në një konferencë për shtyp për herë të parë si lojtari i skuadrës së Empolit.
TRANSFERIMI TEK EMPOLI – “Mendimi im i vetëm ishte të vija këtu, pashë se si punojnë me të rinjtë dhe mendova se ishte alternativa më e mirë”.
POZICIONI NË FUSHË – “Nuk e përkufizoj veten më një rol stabil dhe të saktë, më pëlqen të ndryshoj”.
KU E SHIHNI VETEN NË SKEMAT TAKTIKE? – “Aktualisht e shoh veten si sulmues qendror, por jam në dispozicion të trajnerit dhe mund të luaj pothuajse kudo”.
KUSH E DINTE PËR TRANSFERIMIN? – Në fakt nuk e dinte asnjë. Por u kënaqa shumë që Asllani, ditën që firmosa më dërgoi një mesazh për të më uruar fat të mirë”.
OFERTAT E TJERA – “Më pëlqen gjithçka tek vetja. Shumë ekipe më donin, por unë nuk kisha dyshime për transferimin në këtë klub ku jam sot”.
KONKURENCA NË SERIE A – “Nuk kam krijuar akoma asnjë pritshmëri, por e di që është një hap i madh në karrierën time. Qëllimi im personal është që të përmirësohem”, është shprehur në konferencën për shtyp, Stiven Shpendi.
Lexo gjithashtu
