Dje, në takimin mes Laçit dhe Kukësit momentet e tensionit kanë qenë të shumta, madje klubit verilindor ka dënuar dhunën e ushtruar në fushë ndaj lojtarëve, por jo vetëm, ushtruar nga ana e tifozerisë së Laçit.
Dënimi më i rëndë ka ardhur për Albi Allën, mbrojtësin e Kukësit, i cili përveçse ka ndenjur në stol dhe ka marrë disa dëmtime si pasojë e situatës së krijuar në stadium, ka penalizuar veten, pasi ka marrë kartonin e katërt të verdhë në këtë takim.
Edhe pse në stol, Alla është parë i nervozuar duke u kapur me gjyqtarët e ndeshjes, të cilët nuk e kanë falur mbrojtësin duke i dhënë karton të verdhë. Kartoni i radhës që mori ndaj Laçit penalizon Allën të mos luajë ndaj Skënderbeut, një ndeshje e rëndësishme për të cilën trajneri Milinkoviç duhet të bëjë mirë llogaritë edhe pse vetë tekniku serb ka theksuar pak ditë më parë se, mbrojtësi në fjalë nuk është ende i gatshëm për takime të tilla, duke lënë të kuptohet se Alla nuk është i preferuari i tij.
Lexo gjithashtu
