Besar Musolli njoftoi sot largimin nga klubi i Kukësit pas 8 vitesh. Mesazhi i kapitenit ishte emocional i cili pritet ta vijojë karrierën në Gjilan. Teksa pritej një falënderim special nga verilindoret, një gjë e tillë s'ka ndodhur dhe jo pa shkak. Burime të besueshme pranë lojtarit bëjnë me dije për newsport.al që presidenti Safet Gjici i ka kërkuar sot me këmbëngulje qëndrimin edhe këtë sezon.
Edhe pse ai është i vendosur për të qëndruar pranë familjes, drejtuesit verilindore janë në negociata për të ndërruar mendjen e kapitenit. Trajneri Skënder Gega e kishte llogaritur si titullar dhe cilësitë e tij në mesin e fushës do t'i bënin shumë punë në edicionin e ri futbollistik. Pritet të shihet se çdo të ndodhë mes palëve, ndërsa deri më tani s'ka asnjë njoftim zyrtar nga ana e klubit kuksian për 31-vjeçarin.
Lexo gjithashtu
