Sot, është zhvilluar një takim i dytë mes përfaqësuesve të FSHF-së dhe Ministrisë së Shëndetësisë në niveli ekspertësh. Në vëmendje të këtij takimi ka qenë rinisja e aktiviteteve sportive, ku është kërkuar që skuadrat të zbresin sa më parë në fushë.
Mirëpo siç raporton “Procesi Sportiv”, data 18 maj vijon të mbetet në fuqi. Vetëm të hënën e ardhshme skuadrat do të kenë mundësi të zbresin në fushë. Pritej të kishte një përshpejtim të datës, por një gjë e tillë s’ka ndodhur. Ndërkohë Federata Shqiptare e Futbollit ka propozuar datën 31 maj si ditën kur do të nisë futbolli në Shqipëri.
