Kukësi luajti dje kundër Labërisë, ndeshje që përfundoi me rezultatin 2-0 në favor të verilindorëve. Skuadra e drejtuar nga Enkeleid Dobi u kualifikua në turin pasardhës të Kupës së Shqipërisë.
Trajneri i verilindorëve preferoi një formacion titullar me futbollistët që nuk kanë pasur shumë minuta në kampionatin shqiptar.
Ndërsa pas sfidës, ai zbriti në fushë të gjithë lojtarët që nuk u aktivizuan duke kryer një seancë stërvitore. Një strategji të tillë përgjithësisht jemi mësuar ta shohim në kampionatet e huaja, por me sa duket frymën europiane, Dobi do ta injektojë dhe te Kukësi.
