U kualifikuan në çerekfinale në saj të një goli. Ishte e vështirë të besohej për ballkanasit ai rezultat, ndërsa shpërthyen në lot, ndërsa te “Luzitanët” ishte dikush që nuk festoi hapur. Kapiteni i Portugalisë, Cristiano Ronaldo, dy ditë pas kualifikimit në çerekfinale tregon emocionet dhe suksesin për takimin e fituar ndaj Kroacisë.
Portugezi sqaron pse nuk festoi në momentin e shënimit të golit, gjë që mund të duket shumë absurde, por që është e vërtetë. “Sigurisht, jam i lumtur që fituam ndaj Kroacisë. Megjithatë, nuk mund të festoj në fushë, sepse vëllai im Luka Modriç qante. Vëllazëria ime ndodhet në zemër dhe kisha si detyrim të ngushëlloj vëllain tim”, tha Ronaldo. Portugalia shënoi në minutën e 117 me Quaresman pas një asisti të dhënë nga Ronaldo.
