Nuk është rekordi i golave, Ronaldo befason sërish

Cristiano Ronaldo shënoi golin e parë në takimin Portugali – Uells që kualifikoi “Luzitanët” në finalen e Europianit. Ajo që i befasoi të gjithë nuk është rekordi i arritur ditën e djeshme nga portugezi, por kërcimi në lartësi që bëri gjatë realizimit të golit.

Cristiano Ronaldo kërceu 2.88 metra në golin e shënuar ndaj Uellsit, pra një metër më lartë se gjatësia e James Collins (1.88m), mbrojtësit të skuadrës që kishte përballë. Përgatitja fizike e lojtarit të Real Madrid i ka lënë të gjithë me gojën hapur, duke bërë që e gjithë vëmendja të spostohet tek ai dhe jo te fitorja dhe kalimi në finale i kësaj përfgaqësueseje.