Kukësi nuk ia doli të merrte një rezultat pozitiv përballë Tiranës edhe pse iu afrua shumë barazimit. Verilindorët zbresin në vendin e 7-të me 35 pikë, vetëm 1 larg Teutës në zonën Play-Out. Pas ndeshjes, trajneri Hallaçi foli për mikrofonat e Oversport.
Nuk më vjen mirë, një gol në fundin e ndeshjes. Skuadra ishte ne ekuilibër, kontrolluam lojën. Patëm disa vështirësi por kjo është loja. Në pjesën e parë u afruam te porta ndërsa në të dytën ishim më mirë. Morëm në kontroll lojën, rrezikuam portën. Penalltinë e pamë në telefon por nuk bindem, më vjen keq. Nuk ka dorë, ishte supi dhe supi nuk hiqet se jemi njerëz.
Nuk e di pse u dha penalltia, nëse e ka prekur dora dakord por aty nuk quhet dora. Është e pamundur që futbollisti të kërcejë me dorën ngjitur. Më vjen keq për skuadrën pasi djersiti shumë. E dimë vështirësinë që po kalojmë, duhet të gjejmë forcat pasi kampionati ka ardhur në një fazë kritike.
Ishim përgatitur për rezultat pozitiv, cdo pikë që ikën do e ndjejmë më pas. Duhet të rikuperojmë, bëmë lojë të mirë por nuk mjafton. Duhet të kemi kujdes sepse fundi i kampionatit mund të jetë i tmershëm. Skuadra ishte e mërzitur, fola me Barbosën dhe më vjen keq pasi ajo nuk ishte 11-metërsh.
Është shkruar që skuadra nuk ka dalë në stërvitje por ne kemi bërë 2 seanca në palestër dhe vaprime në natyrë. Është komplet keqkuptim.
Po nuk shënove do të jetë rreziku gjithmonë. Tirana pretendon për titull dhe do të afrohet te porta. Ne nuk i shfrytëzuam mundësitë por më pas erdhi momenti delikat i penalltisë. Unë nuk dua të flas më shumë pasi edhe nuk e kam parë qartë. Unë jam i kënaqur nga loja e ekipit.
Lexo gjithashtu
