Si sot një vit më parë, futbolli shqiptar do të mësonte lajmin e tmerrshëm të ndarjes nga jeta të Ali Memës. Ish-futbollisti i Tiranës dhe i Kombëtares shqiptare mbylli sytë 26 mars të vitit 2020 duke lënë një boshllëk të madh në familjen e madhe të futbollit. 76-vjeçari nuk arriti ta mposhtte sëmundjen e rëndë që e mundonte prej kohësh.
Lajmi i ndarjes nga jeta të një prej ikonave të klubit të Tiranës do të trondiste mbarë opinionin sportiv. Ish-mesfushori potent vijon të kujtohet edhe në ditët e sotme për shpirtin luftarak në fushë dhe për njeriun e mrekullueshëm jashtë saj. Ai është dhe do të jetë shembull për çdo brez në familjen e futbollit, por edhe të fisit Mema që pasionin dhe dashurinë për futbollin e kanë të injektuar thellë në venat e tyre.
Lexo gjithashtu
