Kampionati shqiptar ka nisur me jo pak probleme këtë edicion. Vendimi i fundit që zëvendon forcat e policisë me stjuardët ka lënë jo pak vend për debat, kjo inicuar edhe nga incidentet e ndodhura pak ditë më parë në Korçë në takimin mes Skënderbeut dhe Partizanit.
Fill pas trazirave të krijuara në këtë sfidë, pati drejtues klubesh që hodhën idenë për bojkot të kampionatit derisa ky problem të merrte një zgjidhje. I pari ishte presidenti i Kukësit, Safet Gjici i cili më pas u mbështet nga presidenti i Skënderbeut, Ardjan Takaj.
Së fundmi, në një prononcim dhënë për "Ora News", të njëjtën ide ka ndarë dhe kryetari i Bashkisë Kamëz, Xhelal Mziu.
"Besoj se ky është një absurd që po ndodh për sportin. Besoj se sporti në Shqipëri është akoma larg standarteve që duhet të ketë, për shkak të infrastrukturës që ka dhe për shkak të mbështetjes financiare dhe kjo besoj se është një kosto shtesë që do të ndikoj individualisht te presidentët apo sponsorit e këtyre ekipeve. Unë jam kundër kësaj skeme dhe sepse stjuardët e kanë të pamundur të ruajnë qetësinë, dhe së dyti ka një kosto shtesë për klubet dhe bashkitë ku ato janë aksioner. Për të garantuar standartet, policia e shtetit duhet të jetë prezente në stadium. Nëse një tifoz është në një stadium që ka kushtet e nevojshme tifozi do të jetë korrekt.
A do të bojkotojë Kamza kampionatin?
"Edhe ekipi i Kamzës besoj se do të jetë pjesë e bojkotit siç janë prononcuar disa nga ekipet e Superligës. Besoj se kjo bëhet në të mirë të futbollit dhe atë që jemi sot. Është marrë një vendim që duhet të heqim policinë, sepse policia e shtetit është shumë e rëndësishme për të qënë në stadiume. Duhet të vendoset një afat kohor ku të krijohen standartet nëpër stadiume dhe ku të krijohet kultura e nevojshme që të mbushin stadiumet dhe edhe ne do të shkojnë drejt asaj kur në stadium nuk duhet të jetë prezent policia e rendit. Por duhet kohë dhe duhen standarte.
Lexo gjithashtu
