Arijon Ibrahimovic është lojtari i radhës me origjinë shqiptare që i bashkohet kampionatit italian. Talenti 17-vjeçar është huazuar nga Bayern Munchen tek Frosinone, huazim që është i vlefshëm deri më 30 qershor 2024.
Ai gjithashtu foli për herë të parë si lojtar i klubit italian:
“Goretzka është një model për mua, kam punuar shumë me të dhe ai më ka dhënë këshilla. Më pëlqen të luaj si numër 10 ose 8, por me skuadrat e të rinjve kam luajtur gjithashtu mbrojtës dhe qendërsulmues”, u shpreh Ibrahimovic.
“Nuk kam kohë që jam këtu, por tashmë e kam kuptuar se skuadra dhe tifozët janë një familje. Mezi pres të luaj dhe të shoh stadiumin e mbushur. Gjendja ime? Mirë, nuk e di nëse jam për 90 minuta, por jam gati të filloj nga fillimi dhe të luaj një futboll intensive si ky italian”, tha më tej talenti me origjinë shqiptare.
Lexo gjithashtu
