Nedim Bajrami mund të largohet nga Empoli. 23 vjeçari nga Tetova është pranë transferimit tek Valencia në La Liga. Skuadra e Gattusos po kërkon përforcime dhe Bajrami duket si opsioni më i mirë për të shtuar fantazinë përpara sulmit.
Sipas calciomercato.com bëhet me dije se për mesfushorin me tipare sulmuese është interesuar edhe skuadra e Bolognas.
Bajrami është aktivizuar në 20 takime për Empolin këtë sezon duke realizuar dhe një gol. Tetovari është një njohje e vjetër për Gattuso që kur ky i fundit drejtonte Napolin. Bajrami me Empolin i shënoi dy gola Napolit të Gattuso në një ndeshje të vlefshme për Kupën e Italisë.
