Partizani ka nisur tashmë një rrugë të re, që shumë mirë mund të quhet epoka "Dalipi". Pas shkarkimit të Sulejman Starovës, ekipin e ka marrë në dorë, Klevis Dalipi i cili nuk ka humbur kohë duke nisur direkt nga puna.
Risia që u pa ditën e djeshme qenë lëvizjet e shumta që bëri zv/trajneri, Marko Jovanviç, i cili u pa të ishte më aktiv se herët e tjera, duke lënë të kuptohet se do të jetë krahu i djathtë i Dalipit nga momenti i marrjes së detyrës së re.
Ajo që është vënë re ditën e djeshme ka qenë mungesa e Alban Hoxhës në stërvitje edhe pse ky i fundit ishte i pranishëm. Një dëmtim i vogël që "gardiani" ka marrë në takimin ndaj Teutës ka bërë që ai të pushonte ditën e martë.
Në fushë ka zbritur dhe Edgar Çani, i cili mori ngarkesë të plotë. Nuk dihet nëse do të jetë i gatshëm për takimin ndaj Luftëtarit, që të kuqtë luajnë ditën e shtunë në orën 17:00, në "Selman Stërmasi".
Lexo gjithashtu
