Luçiano Moxhi ka dhënë një intervistë për "Sportitalia", ku ka folur për skuadrën e Juventusit, duke i dalë kundër trajnerit të "Zonjës së Vjetër", Massimiliano Allegrit pë mënyrën e drejtimit të ekipit. Moxhi ka bërë një analizë për ecurinë e kësaj skuadre, duke e cilësuar si absurd faktin që ka ndeshje në të cilat nuk aktivizohet sulmuesi Paulo Dybala. Italiani e vlerëson maksimalisht sulmusin argjentinas, duke i vënë fajin mesfushës, për të cilën thotë se ka nevojë për një lojtar marke si Claudio Marchisio.
"Ndeshja ndaj Genoas demonstroi edhe njëherë se Juventusi nuk është në momentet më të mira, por është e aftë që për pesë minuta të shënojë 2 gola. Juventusi ka diçka që nuk shkon në mesfushë. Mungon një lojtar si Marchisio, i cili është një lojtar marke, i cili di të japë topa. Khedira dhe Pjaniç, të dy së bashku më duken pak si shumë. Janë dy lojtarë të aftë taktikisht, por shumë të ngadalshëm. Edhe mbrojtja duket se është pak e mbrojtur. Edhe pse nuk është më ajo e viteve të shkuara, pasi vitet kalojnë, por problemi qëndron në mesfushë, pasi nuk është e mbrojtur në këtë repart, kjo është arsyeja pse ekziston problemi në repartin e mbrojtjes. Pastaj nuk kuptoj, pse Spalletti luan gjithnjë me Icardin edhe pse ky i fundit mund të ketë ethe, ndërsa Dybala nuk luan te Juventusi. Unë gjithmonë do ta lija të luante, pasi krijon gjithmonë probleme për kundërshtarët, nxjerr topa dhe mbi të gjitha krijon hapësira për shokët e ekipit. Më duket absurde ta mbash jashtë fushës një lojtar të tillë. Edhe nëse ai luan keq, bën gjithmonë diçka të mirë në fushë. Allegri e merr rregullisht ate. E mori për herë të dytë dhe për herë të dytë Juventusi humbi një ndeshje. Nuk ndodhi vetëm sepse mungoi Dybala, por sepse një lojtar me imazhin e Dybalas mban gjithmonë të imenjuar dy kundërshtarë dhe kjo është gjithmonë e nevojshme", ka mbyllur intervistën e tij Luçiano Moxhi dhënë për "Sportitalia". /NEWSPORT.AL/
[gallery columns="1" size="full" ids="172983"]
Lexo gjithashtu
