Vllaznia e nisi sezonin futbollistik në mënyrën më të mirë të mundshme, me shkodranët që e gjendën veten të pozicionuar mirë në renditje. Djemtë e drejtuar nga Mirsad Jonuz morën një pikë fundjavën që lamë pas, teksa “ndalën” në kryeqytet Tiranën. Ky rezultat ka ngritur humorin në kampin kuqeblu, me ekipin që vijon përgatitjet pa asnjë ndërprerje edhe nga pauza e Kombëtares.
Në kryeqendrën e veriut janë duke u përgatitur për ndeshjen e radhës në kampionat. Teuta do të jetë kundërshtari i ardhshëm, me durrsakët që u ndalën ne një barazim të bardhë në Gjirokastër. Koha për të rikuperuar forcat dhe ditëlindja e Ideal Lekiqit, qe mban postin e trajnerit të portierëve, kanë kthyer harenë në Shkodër. Ekipi ka pozuar i qeshur, duke i uruar ditëlindjen trajnerit.
Loading ...
