Partizani i Beogradit dhe Cervena Zvezda do luajnë derbin e rradhës me datën 10 qershor. Kjo përballje ka sjellë gjithmonë probleme, sidomos në shkallët e stadiumit. Serbia me anë të një njoftimi zyrtar ka deklaruar se tifozët do të jenë të pranishëm në stadium. Gjithashtu, forcat e policisë do të jenë të shumta për të bërë të mundur që gjithçka të përfundojë pa incidente. Numri i tifozëve në stadium pritet të jetë më i madh se 30 mijë.
Vendim i çuditshëm ky duke parë edhe masat e marra në vendet e ndryshme të botës për të luftuar përhapjen e virusit. Kujtojmë që shumë shtete të mëdha kanë deklaruar se nuk do t’i hapin stadiumet për këtë vit. Ky duhet të jetë një shembull për Qeverinë shqiptare dhe FSHF-në, për të hapur dyert në derbin e madh të kryeqytetit shqiptar mes Tiranës dhe Partizanit, i programuar pas pak javësh.
