E përditshmja britanike “The Telegraph”, ka publikuar ditën e sotme një artikull, ku “Liberty Media”, që është kompania amerikane e këtij kampionati, ka hedhur një ide të re, lidhur me synimin e reduktimit të problemeve financiare dhe të vendosjes së një lloj ekuilibri në mënyrë që Formula 1 të jetë sa më e përballueshme nga të gjithë.
“Nuk ka asnjë kuptim që në Formula 1 të ketë skuadra që shpenzojnë 400 milionë dollarë. Nuk i bën aspak mirë kampionatit dhe tifozëve pasi skuadrat hyjnë në një garë për teknologjinë. Nuk ka logjikë dhe krijohet një shoqëri me 2 klasa”, theksohet te kjo e përditshme që citon burime të brendshme të “Liberty Media”.
Përveç kësaj, “Liberty Media” ka në planet e saj edhe një ndryshim tjetër, atë të shndërrimit të Formulës 1 në një biznes modern që të mos administrohet nga një grup i vogël personash, por nga Komitet Ekzekutiv si dhe nga një komision për marketingun.
Lexo gjithashtu
