Tirana fitoi sot në transfertë kundër Skënderbeut, ndeshje e vlefshme për javën e 31-të të Superiores. Bardheblutë e drejtuar nga trajneri Emanuel Egbo triumfuan me përmbysje 2-1 duke realizuar 2 gola në pjesën e dytë. Edhe pse brenda në stadium, mbështetësit s'mund të ishin të pranishëm, jashtë impiantit korçar, tifozët e Tiranës ishin aty për ekipin e zemrës. Tanimë, skuadra bardheblu ishte rrugës duke u kthyer për në kryeqytet.
Por, në Pogradec tifozët e 24 herë kampionëve të vendit i kanë bërë "post-bllok" duke i falënderuar për triumfin e sotëm si dhe i premtuan mbështetje në këtë kohë pandemie. Edhe pse në mes të rrugës, s'mund të mungonte përfshirja e lojtarëve të Tiranës duke kënduar me tifozët e tyre. Nga video e publikuar nga Newsport.al mund të shihni momentin e fjalimit të ultrasve si dhe festën e lojtarëve me ta.
Lexo gjithashtu
