Trajneri Kristian Panuçi ka folur ditën e sotme në mbrëmje përpara gazetarëve në konferencën për shtyp para sfidës kundër Skocisë. Tekniku italian ka deklaruar nga Gllasgou se pret një sfidë mjaft të fortë dhe të luftuar me skocezët, duke theksuar se i druhet shumë krenarisë së vendasve sidomos pas humbjes ndaj Belgjikës në miqësore.
Panuçi nuk pranoi se do të futet në fushë për barazim duke theksuar se Shqipëria do të luajë për fitore. Ai gjithashtu rikujtoi edhe golin e shënuar 11 vjet më parë me Italinë që i dha kualifikimin ne Euro 2008, por padyshim sipas trajnerit të kuqezinjve tashmë gjërat jan shumë ndryshe. Trajneri theksoi disa herë se nuk përsëritur gabimet e ndeshjes me Izraelin pasi në të kundërt sipas tij do ta paguajmë rëndë.
“Dy ndeshje brenda tre ditëve është paksa e vështirë, kështu që do të ndryshoj diçka pasi është një ndeshje shumë e rendëisishme. Agolli është një lojtar shumë i rëndësishëm, por do ta shikoni nesër nëse do të luajë apo jo. Natyrisht që nuk zbresim në fushë vetëm për një pikë. Njohim defektet si skuadër, por edhe Skocia është e plagosur pas humbjes me Belgjikën. Mjedisi është i vështirë pasi “Hamden Park” është stadium shumë frikësues. Do provojmë të fitojmë pavarëisht se Skocia ka shumë kualitete, por edhe me një pikë do ishim të kënaqur. Ndeshja para 11 vjetësh ishte një nga netët më të mira të karrierës sime, por tani është situatë tjetër pasi tani jam trajner i Shqipërisë. Gjithmonë një përballje me Skocinë është shumë e vështirë. I frikësohem shumë krenarisë skoceze. Nuk duhet të ripërsërisim gabimet me Izraelin. Do jenë dy ndeshje totalisht të ndryshme. Nëse bëjmë prap gabime teknike do ta paguajmë shtrenjtë”, deklaroi ndër të tjera Panuçi.
Loading ...
