Laçi u mposht 1-0 në Fier nga Apolonia, në takimin e vlefshëm për Superioren. Pas ndeshjes për mikrofonat e Supersport ka folur trajneri i kurbinasve, Shpëtim Duro. Ai shprehet se episodet vendosën takimin, teksa ka rezerva edhe për gjykimin.
“Sigurisht, Pak nga të gjitha ndikuan. Të jem realist, ishte ndeshje më e dobët që kemi zhvilluar nën drejtimin tim. Nuk e prisja këtë reagim të ekipit. Janë ndeshje shumë të vështira për t’u fituar. Janë episode që vendosin ndeshjet. Po të kishim barazuan në fund të pjesës së parë, pjesa e dytë do ishte më ndryshe. Nuk jam i kënaqur.
Goli i anulluar? Pata komunikim dhe më thanë që nuk e pashë. Nuk e di se për çfarë janë assitentët. Mund të ndryshonte gjithçka aty. Ishte gol i rregullt, ndaj u çudita.
Goli i Apolonisë? Si e gjykoni? Është faull. Ju e keni parë shumë herë. Janë dy momente që vendosin. Ne nuk kemi shumë diferenca në futbollin tonë. Janë dy momente që vendosin fatin e ndeshjes.
Ndryshimet nga ndeshjet brenda në ato jashtë? Janë tre ndeshje jashtë, ku kemi barazuar me Teutën. Kemi humbur me Krujën, pas një ndeshje të mirë. Rezultati i asaj ndeshje nuk ishte real. Ndërsa sot të vjen keq që të vendosin episodet. Sot nuk ishte ajo skuadër që ka qënë, ndërsa ndikon pak edhe terreni. Nuk duhet të luhen shumë mirë këto ndeshje me topin. Janë sfida që po të pësosh, mund të ndodhin vonesa. Janë shumë faktorë që bëhen bashkë dhe ndikojnë.
Nuk bëhet fjalë për motivim. Unë frikë kam këto ndeshje. Ishte ndeshje shumë e rëndësishme për ne. Ndeshjet sa vijnë po bëhen më të vështira. Unë e kisha parashikuar të vështirë si ndeshje. Duhej ta kalonim me sukses këtë ndeshje” – tha Duro.
Loading ...
