Bota e sportit dhe e biznesit është në zi. Kanë humbur një nga figurat më të nderuara, Muhamet Malon. Zemra e tij pushoi së rrahuri pasditen e djeshme, edhe pse luftoi shumë për të mposhtur sëmundjen e tij.
Muhamet Malo u lind më 13 maj të 1957-s, me origjinë kolonjare. Një ish-sportist i njohur, mundës në radhët e Partizanit me shumë gara të fituara.
Nga viti 1982 deri në 1990 është kampion i Shqipërisë në mundjen klasike për peshën 82 kg deri në 90 kg. Ai ka qenë President i Federatës Shqiptare të Mundjes nga viti 1992 deri në vitin 1996.
Që nga viti 2005, Malo ka mbajtur postin e Presidentin e Shoqatës Kombëtare të Mundjes. Në vitin 2008 ai u emërua si President Nderi i Federatës Shqiptare të Mundjes.
Homazhet për nder të Muhamet Malos do të zhvillohet sot në orën 11.00 në hollin e Radio Televizionit Shqiptar.
Për ish kampionin ka patur mesazhe ngushëllimi nga emra dhe figura të njohura të sportit shqiptar dhe jo vetëm.
Presidenti i FSHF-së, Armand Duka i është bashkuar mesazheve të ngushëllimit për ndarjen nga jeta të ish-sportistit.
Armand Duka: Lamtumirë Muhamet Malo!
Bota e sportit dhe e biznesit dhe jo vetëm, ka humbur sot një nga figurat më të nderuara, Muhamet Malon, madhështinë e kampionit të humanizmit në Shqipëri.
Në emër të FSHF-së dhe të të gjithë komunitetit të futbollit, I shpreh thellësisht familjes dhe të afërmve, miqve dhe kolegëve ngushëllimet e mia më të sinqerta për humbjen e njeriut të tyre më të afërt.
Veprimtaria e tij kolosale në sport e biznes, por edhe misioni I tij infinit human do të mbetet gjatë në memorien e gjithsecilit prej nesh!
Lamtumirë Muhamet Malo!
Shpirti I tij u prehtë në paqe! I përjetshëm qoftë kujtimi i Tij!
Ish miku dhe mundësi shqiptar Pal Marku gjithashtu ka shkruar mesazh ngushëlliminë nder të ish kampionit.
Lamtumire Meti!
Shoket, koleget dhe miqte tu te afert te viteve te sportit do te mbajne perhere ne mendje si njeriu model dhe me zemer te madhe, ku fale jush, mundja shqiptare ka qene shume e bashkuar si ne aktivitete sportive, dhe sidomos ne festat e paharruara te organizuara ne mjediset e Dajti Ekspres. Keto dy foto jane nje pjese e vogel e atyre takime te organizuara prej jush. Pushofsh ne Paqe, Muhamet Malo!
Loading ...
