Skënderbeu i këtij sezoni ka ndërruar fytyrë, duke mos qenë më ajo skuadra e dekadës së fundit. Kampion për shumë vite, korçarët duket se janë ndalur vetëm nga FIFA që i ka dënuar për trukim ndeshjesh. Kjo situatë ka sjellë veprime zinxhir në klub, teksa bardhekuqtë nuk janë aty ku ishim mësuar t'i shihnim. Korçarët ndodhen në vendin e katërt, pas 13 javëve kampionat. 20 pikët e grumbulluara tregojnë se ekipi është aty, duke mos harruar të "kafshojë".
"Ujqërit e Dëborës" kanë një ndër mbrojtjet më të këqija këtë edicion, teksa kanë pësuar plot 22 gola. Më keq se ata është Flamurtari, që mban pozitën e fundit në klasifikim. Këtë gjë po përpiqet të rregullojë trajneri Ilir Daja, duke vendosur theksin te veprimet sulmuese. Merkato e janarit pritet me interes në juglindje, me Skënderbeun që do të afrojë patjetër një qendërmbrojtës, pasi shpeshherë në këtë rol është eksperimentuar me Bruno Ditën. Kthimi nga dëmini i Bajram Jashanicës, pritet të shtojë kualitetet në prapavijën korçare.
Lexo gjithashtu
