Largimi i Elseid Hysaj nga Napoli është kthyer në një mision primar për drejtuesit italian.
Një gjë të tillë e pohojnë thashethemet e fundit të merkatos, me gazetarin italian Gianluca di Marzio që pohon se skuadra napoletane ka nisur nga puna për të gjetur një zëvendësues të kapitenit shqiptar.
Duke iu referuar këtyre burimeve, Napoli është e interesuar për anglezin Kieran Trippier. Madje drejt tij është përpiluar edhe një ofertë që kap vlerën e 17 milionë eurove, por që është refuzuar kategorikisht nga Tottenham Hotspur.
Për kartonin e tij, "Gjelat" kërkojnë jo më pak se 30 milionë euro. Nëse një operacion i tillë mbyllet, Hysaj do të minimizonte pozitat e tij te Napoli dhe do të kërkonte një "strehëz" të re për të ardhmen. Chelsea është ajo që ia ofron aktualisht, me teknikun Maurizio Sarri që e ka në krye të dëshirave të tij.
Lexo gjithashtu
